naKHl lale ja jab zamin se uTha

naḳhl laale jā jab zamīñ se uThā

sho.ala ik do vajab zamīñ se uThā

tū jo kal ḳhāk-e-kushtagāñ se gayā

shor us dam ajab zamīñ se uThā

baiThe baiThe jo ho gayā vo khaḌā

ik sitāra sā shab zamīñ se uThā

qad vo buuTā sā dekh kahtī hai ḳhalq

ye to paudā ajab zamīñ se uThā

tishna sahbā-e-vasl kā terī

hashr ko ḳhushk-lab zamīñ se uThā

baiTh kar uTh gayā jahāñ vo shoḳh

fitna vaañ jab na tab zamīñ se uThā

sochtā kyā hai dekh dekh use

bin uThā.e vo kab zamīñ se uThā

thī qazā yūñhī tere kushte kī

laash ko us kī ab zamīñ se uThā

gul nahīñ 'mus.hafī' kā dil hai ye

us ko ai be-adab zamīñ se uThā

naKHl lale ja jab zamin se uTha

shoala ek do wajab zamin se uTha

tu jo kal KHak-e-kushtagan se gaya

shor us dam ajab zamin se uTha

baiThe baiThe jo ho gaya wo khaDa

ek sitara sa shab zamin se uTha

qad wo buTa sa dekh kahti hai KHalq

ye to pauda ajab zamin se uTha

tishna sahba-e-wasl ka teri

hashr ko KHushk-lab zamin se uTha

baiTh kar uTh gaya jahan wo shoKH

fitna wan jab na tab zamin se uTha

sochta kya hai dekh dekh use

bin uThae wo kab zamin se uTha

thi qaza yunhi tere kushte ki

lash ko us ki ab zamin se uTha

gul nahin 'mushafi' ka dil hai ye

us ko ai be-adab zamin se uTha