nam hui chashm-e-wafa raaz-e-mohabbat khul gaya

nam huī chashm-e-vafā rāz-e-mohabbat khul gayā

āḳhirash band-e-qabā-e-zabt-e-ulfat khul gayā

jab dil-e-vahshī nigāh-e-nāz kā markaz banā

haal duniyā par tirā ai jazb-e-vahshat khul gayā

shāh-rāh-e-ārzū par do qadam chalne ke ba.ad

husn-e-qismat se dar-e-zindān-e-ulfat khul gayā

jhuk gayā fart-e-nadāmat se gunahgāroñ kā sar

ho ga.ī chashm-e-ināyat bāb-e-rahmat khul gayā

dāstāñ-dar-dāstāñ thī zindagī insān kī

dekhte hī dekhte rañg-e-haqīqat khul gayā

ek jādūī-nazar ke ho ga.e lākhoñ shikār

dil kī girheñ kyā khulīñ ramz-e-shahādat khul gayā

jab farāz-e-arsh par uudī ghaTā chhā.ī 'sabā'

bāb-e-mai-ḳhāna ba-e.ajāz-e-mashiyyat khul gayā

nam hui chashm-e-wafa raaz-e-mohabbat khul gaya

aaKHirash band-e-qaba-e-zabt-e-ulfat khul gaya

jab dil-e-wahshi nigah-e-naz ka markaz bana

haal duniya par tera ai jazb-e-wahshat khul gaya

shah-rah-e-arzu par do qadam chalne ke baad

husn-e-qismat se dar-e-zindan-e-ulfat khul gaya

jhuk gaya fart-e-nadamat se gunahgaron ka sar

ho gai chashm-e-inayat bab-e-rahmat khul gaya

dastan-dar-dastan thi zindagi insan ki

dekhte hi dekhte rang-e-haqiqat khul gaya

ek jadui-nazar ke ho gae lakhon shikar

dil ki girhen kya khulin ramz-e-shahadat khul gaya

jab faraaz-e-arsh par udi ghaTa chhai 'saba'

bab-e-mai-KHana ba-eajaz-e-mashiyyat khul gaya