naqsh-e-naz-e-but-e-tannaz ba-aghosh-e-raqib

naqsh-e-nāz-e-but-e-tannāz ba-āġhosh-e-raqīb

pā-e-tā.ūs pa.e-ḳhāma-e-mānī māñge

tū vo bad-ḳhū ki tahayyur ko tamāshā jaane

ġham vo afsāna ki āshufta-bayānī māñge

vo tap-e-ishq-e-tamannā hai ki phir sūrat-e-sham.a

sho.ala tā-nabz-e-jigar resha-davānī māñge

tishna-e-ḳhūn-e-tamāshā jo vo paanī māñge

aa.ina ruḳhsat-e-andāz-e-ravānī māñge

rañg ne gul se dam-e-arz-e-pareshānī-e-bazm

barg-e-gul reza-e-mīnā kī nishānī māñge

zulf tahrīr-e-pareshān-e-taqāzā hai magar

shāna-sāñ mū-ba-zabāñ ḳhāma-e-mānī māñge

āmad-e-ḳhat se na kar ḳhanda-e-shīrīñ ki mabād

chashm-e-mor ā.īna-e-dil nigarānī māñge

huuñ giraftār-e-kamīñ-gāh-e-taġhāful ki jahāñ

ḳhvāb sayyād se parvāz-e-girānī māñge

chashm parvāz o nafas ḳhufta magar zo.af-e-umīd

shahpar-e-kāh pa.e-muzhda-risānī māñge

vahshat-e-shor-e-tamāshā hai ki juuñ nik.hat-e-gul

namak-e-zaḳhm-e-jigar bāl-fishānī māñge

gar mile hazrat-e-'bedil' kā ḳhat-e-lauh-e-mazār

'asad' ā.īn-e-parvāz-e-ma.ānī māñge

rañg ne gul se dam-e-arz-e-pareshānī-e-bazm

barg-e-gul reza-e-mīnā kī nishānī māñge

naqsh-e-naz-e-but-e-tannaz ba-aghosh-e-raqib

pa-e-taus pae-KHama-e-mani mange

tu wo bad-KHu ki tahayyur ko tamasha jaane

gham wo afsana ki aashufta-bayani mange

wo tap-e-ishq-e-tamanna hai ki phir surat-e-shama

shoala ta-nabz-e-jigar resha-dawani mange

tishna-e-KHun-e-tamasha jo wo pani mange

aaina ruKHsat-e-andaz-e-rawani mange

rang ne gul se dam-e-arz-e-pareshani-e-bazm

barg-e-gul reza-e-mina ki nishani mange

zulf tahrir-e-pareshan-e-taqaza hai magar

shana-san mu-ba-zaban KHama-e-mani mange

aamad-e-KHat se na kar KHanda-e-shirin ki mabaad

chashm-e-mor aaina-e-dil nigarani mange

hun giraftar-e-kamin-gah-e-taghaful ki jahan

KHwab sayyaad se parwaz-e-girani mange

chashm parwaz o nafas KHufta magar zoaf-e-umid

shahpar-e-kah pae-muzhda-risani mange

wahshat-e-shor-e-tamasha hai ki jun nikhat-e-gul

namak-e-zaKHm-e-jigar baal-fishani mange

gar mile hazrat-e-'bedil' ka KHat-e-lauh-e-mazar

'asad' aain-e-parwaz-e-maani mange

rang ne gul se dam-e-arz-e-pareshani-e-bazm

barg-e-gul reza-e-mina ki nishani mange