nashat-e-gham bhi mila ranj-e-shad-mani bhi
nashāt-e-ġham bhī milā ranj-e-shād-mānī bhī
magar vo lamhe bahut muḳhtasar the faanī bhī
khulī hai aañkh kahāñ kaun moḌ hai yaaro
dayār-e-ḳhvāb kī baaqī nahīñ nishānī bhī
ragoñ meñ ret kī ik aur tah jamī dekho
ki pahle jaisī nahīñ ḳhuun meñ ravānī bhī
bhaTak rahe haiñ ta'āqub meñ ab sarāboñ ke
milā na jin ko samundar se buuñd paanī bhī
zamīñ bhī ham se bahut duur hotī jaatī hai
Darā rahī hai ḳhalāoñ kī be-karānī bhī
tavīl hone lagī haiñ isī liye rāteñ
ki log sunte sunāte nahīñ kahānī bhī
nashat-e-gham bhi mila ranj-e-shad-mani bhi
magar wo lamhe bahut muKHtasar the fani bhi
khuli hai aankh kahan kaun moD hai yaro
dayar-e-KHwab ki baqi nahin nishani bhi
ragon mein ret ki ek aur tah jami dekho
ki pahle jaisi nahin KHun mein rawani bhi
bhaTak rahe hain ta'aqub mein ab sarabon ke
mila na jin ko samundar se bund pani bhi
zamin bhi hum se bahut dur hoti jati hai
Dara rahi hai KHalaon ki be-karani bhi
tawil hone lagi hain isi liye raaten
ki log sunte sunate nahin kahani bhi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
