nashat-o-tarab se hazar kar chuke
nashāt-o-tarab se hazar kar chuke
zamāne ko ham pai-sipar kar chuke
nishāñ un kā pāoge kaise yahāñ
ki jo is jahāñ se safar kar chuke
banāo nasheman tum apnā yahāñ
bahar-taur ham to basar kar chuke
zarūrat nahīñ terī ai hashr ab
jahāñ ko vo zer-o-zabar kar chuke
taġhāful kā kyā hogā un par asar
tirī yaad se jo hazar kar chuke
ye parvāz 'asmā' abhī kuchh nahīñ
bahut log tai bahr-o-bar kar chuke
nashat-o-tarab se hazar kar chuke
zamane ko hum pai-sipar kar chuke
nishan un ka paoge kaise yahan
ki jo is jahan se safar kar chuke
banao nasheman tum apna yahan
bahar-taur hum to basar kar chuke
zarurat nahin teri ai hashr ab
jahan ko wo zer-o-zabar kar chuke
taghaful ka kya hoga un par asar
teri yaad se jo hazar kar chuke
ye parwaz 'asma' abhi kuchh nahin
bahut log tai bahr-o-bar kar chuke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
