nashe mein ye kya samajh liya tha

nashe meñ ye kyā samajh liyā thā

ḳhudā ko banda samajh liyā thā

zarā sī chup thī usī ko tum ne

na jaane kyā kyā samajh liyā thā

hasīñ thā vo is qadar ki ham ne

nazar kā dhokā samajh liyā thā

maiñ aisā pāgal diyā thā jis ne

havā ko apnā samajh liyā thā

ham us ke dil tak pahuñchte kaise

badan ko rāsta samajh liyā thā

use yuuñ chhoḌā ki us ne ham ko

bahut ziyāda samajh liyā thā

ham apnī ġhalatī se bik ga.e haiñ

tumheñ zuleḳhā samajh liyā thā

hamārī sāda-dilī to dekho

ḳhudā ko apnā samajh liyā thā

milan judā.ī taḌap udāsī

ye khel saarā samajh liyā thā

tumhārī āñkheñ samajh na paa.e

har ik muamma samajh liyā thā

lab us ne khole nahīñ the phir bhī

javāb us kā samajh liyā thā

vo āñkheñ ka.aba sifat thī jin ko

sharāb-ḳhāna samajh liyā thā

nashe mein ye kya samajh liya tha

KHuda ko banda samajh liya tha

zara si chup thi usi ko tum ne

na jaane kya kya samajh liya tha

hasin tha wo is qadar ki hum ne

nazar ka dhoka samajh liya tha

main aisa pagal diya tha jis ne

hawa ko apna samajh liya tha

hum us ke dil tak pahunchte kaise

badan ko rasta samajh liya tha

use yun chhoDa ki us ne hum ko

bahut ziyaada samajh liya tha

hum apni ghalati se bik gae hain

tumhein zuleKHa samajh liya tha

hamari sada-dili to dekho

KHuda ko apna samajh liya tha

milan judai taDap udasi

ye khel sara samajh liya tha

tumhaari aankhen samajh na pae

har ek muamma samajh liya tha

lab us ne khole nahin the phir bhi

jawab us ka samajh liya tha

wo aankhen kaba sifat thi jin ko

sharab-KHana samajh liya tha