nasim-e-subh-e-bahaar aae dil-e-hazin ko qarar aae

nasīm-e-sub.h-e-bahār aa.e dil-e-hazīñ ko qarār aa.e

kalī kalī le ke muñh-añdhere sabāhat-e-rū-e-yār aa.e

udaas rātoñ kī tīrgī meñ na koī taarā na koī jugnū

kisī kā naqsh-e-qadam hī chamke to nuur kā e'tibār aa.e

ye sho.ala-sāmānī-e-takallum ye ā.ina-ḳhāna-e-tabassum

jigar se jaise dhuāñ sā uTThe nazar ko jaise ḳhumār aa.e

usī kī ḳhātir ḳhizāñ-zada dil ne jāma-e-chāk apnā badlā

ki jashn-e-jamhūr inqilāb-e-chaman kā ā.īna-dār aa.e

nasim-e-subh-e-bahaar aae dil-e-hazin ko qarar aae

kali kali le ke munh-andhere sabahat-e-ru-e-yar aae

udas raaton ki tirgi mein na koi tara na koi jugnu

kisi ka naqsh-e-qadam hi chamke to nur ka e'tibar aae

ye shoala-samani-e-takallum ye aaina-KHana-e-tabassum

jigar se jaise dhuan sa uTThe nazar ko jaise KHumar aae

usi ki KHatir KHizan-zada dil ne jama-e-chaak apna badla

ki jashn-e-jamhur inqilab-e-chaman ka aaina-dar aae