nasim hai tere kuche mein aur saba bhi hai
nasīm hai tire kūche meñ aur sabā bhī hai
hamārī ḳhaak se dekho to kuchh rahā bhī hai
tirā ġhurūr mirā ijz tā kujā zālim
har ek baat kī āḳhir kuchh intihā bhī hai
jale hai sham.a se parvāna aur maiñ tujh se
kahīñ hai mehr bhī jag meñ kahīñ vafā bhī hai
ḳhayāl apne meñ go huuñ tarāna-sanjāñ mast
karāhne ke diloñ ko kabhī sunā bhī hai
zabān-e-shikva sivā ab zamāne meñ haihāt
koī kisū se baham dīgar āshnā bhī hai
sitam ravā hai asīroñ pe is qadar sayyād
chaman chaman kahīñ bulbul kī ab navā bhī hai
samajh ke rakhiyo qadam ḳhār-e-dasht par majnūñ
ki is navāh meñ 'saudā' barhana-pā bhī hai
nasim hai tere kuche mein aur saba bhi hai
hamari KHak se dekho to kuchh raha bhi hai
tera ghurur mera ijz ta kuja zalim
har ek baat ki aaKHir kuchh intiha bhi hai
jale hai shama se parwana aur main tujh se
kahin hai mehr bhi jag mein kahin wafa bhi hai
KHayal apne mein go hun tarana-sanjaan mast
karahne ke dilon ko kabhi suna bhi hai
zaban-e-shikwa siwa ab zamane mein haihat
koi kisu se baham digar aashna bhi hai
sitam rawa hai asiron pe is qadar sayyaad
chaman chaman kahin bulbul ki ab nawa bhi hai
samajh ke rakhiyo qadam KHar-e-dasht par majnun
ki is nawah mein 'sauda' barhana-pa bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
