nauhagar se na kisi aaina-KHane se hui

nauhagar se na kisī ā.īna-ḳhāne se huī

mo'tabar zaat mirī mere zamāne se huī

rañg kyā kyā na bhare husn-e-nazar ne lekin

terī tasvīr mukammal tire aane se huī

qadr-o-qīmat in añdheroñ kī na pūchho mujh se

raushnī ghar meñ charāġhoñ ke jalāne se huī

rāste kā koī patthar nahīñ pahchān banā

jitnī tash.hīr huī ḳhaak uḌāne se huī

mutma.in mar ke huā kartā hai jiine vaalā

jab bhī kam bhuuk huī Thokareñ khāne se huī

katraneñ joḌ ke tayyār kiyā apnā libās

izzat-e-faqr faqīrī ko chhupāne se huī

jab baḌhī had se ḳhushī bhiig ga.ī haiñ āñkheñ

ġham kī tahrīk hameñ jashn manāne se huī

itnā ġham pyaas kā apnī nahīñ 'najmī' ne kiyā

jitnī taskīn koī aag bujhāne se huī

nauhagar se na kisi aaina-KHane se hui

mo'tabar zat meri mere zamane se hui

rang kya kya na bhare husn-e-nazar ne lekin

teri taswir mukammal tere aane se hui

qadr-o-qimat in andheron ki na puchho mujh se

raushni ghar mein charaghon ke jalane se hui

raste ka koi patthar nahin pahchan bana

jitni tashhir hui KHak uDane se hui

mutmain mar ke hua karta hai jine wala

jab bhi kam bhuk hui Thokaren khane se hui

katranen joD ke tayyar kiya apna libas

izzat-e-faqr faqiri ko chhupane se hui

jab baDhi had se KHushi bhig gai hain aankhen

gham ki tahrik hamein jashn manane se hui

itna gham pyas ka apni nahin 'najmi' ne kiya

jitni taskin koi aag bujhane se hui