navā-e-dil ne karishme dikhā.e haiñ kyā kyā
mirī azaañ ne namāzī jagā.e haiñ kyā kyā
jamāl-e-yār tirī āb-o-tāb kyā kahiye
nazar nazar pe qadam Dagmagā.e haiñ kyā kyā
adā-e-nāz ko andāz-e-dilbarī samjhe
fareb ahl-e-mohabbat ne khaa.e haiñ kyā kyā
zamīñ zamīñ na rahī aur falak falak na rahā
maqām-o-vaqt bhī gardish meñ aa.e haiñ kyā kyā
vo terī shoḳh-nigāhī vo terī ḳhanda-labī
dil-e-ġharīb pe charke lagā.e haiñ kyā kyā
kabhī ḳhulūs-e-mohabbat kabhī gurez-o-farār
banā banā ke muqaddar miTā.e haiñ kyā kyā
kabhī to dekh ki merī tabāh-hālī par
hayāt-o-maut ne aañsū bahā.e haiñ kyā kyā
hai aaj ḳhūn-e-tamannā to kal umiid kī maut
dil-e-hazīñ ne janāze uThā.e haiñ kyā kyā
nigāh-e-'qais' tirī dastaras ko maan ga.e
kahāñ kahāñ se mazāmīñ churā.e haiñ kyā kyā
nawa-e-dil ne karishme dikhae hain kya kya
meri azan ne namazi jagae hain kya kya
jamal-e-yar teri aab-o-tab kya kahiye
nazar nazar pe qadam Dagmagae hain kya kya
ada-e-naz ko andaz-e-dilbari samjhe
fareb ahl-e-mohabbat ne khae hain kya kya
zamin zamin na rahi aur falak falak na raha
maqam-o-waqt bhi gardish mein aae hain kya kya
wo teri shoKH-nigahi wo teri KHanda-labi
dil-e-gharib pe charke lagae hain kya kya
kabhi KHulus-e-mohabbat kabhi gurez-o-farar
bana bana ke muqaddar miTae hain kya kya
kabhi to dekh ki meri tabah-haali par
hayat-o-maut ne aansu bahae hain kya kya
hai aaj KHun-e-tamanna to kal umid ki maut
dil-e-hazin ne janaze uThae hain kya kya
nigah-e-'qais' teri dastaras ko man gae
kahan kahan se mazamin churae hain kya kya
Source :
Book : Mujalla Dastavez (Pg. 523)
Author : Aziz Nabeel
Publication : Edarah Dastavez
(2013-14)
Edition : 2013-14
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.