nawah-e-jaan mein kahin abtari si lagti hai
navāh-e-jāñ meñ kahīñ abtarī sī lagtī hai
sukūn ho to ajab bekalī sī lagtī hai
ik aarzū mujhe kyā kyā fareb detī hai
bujhe charāġh meñ bhī raushnī sī lagtī hai
ga.ī rutoñ ke tasarruf meñ aa gayā shāyad
ab āñsuoñ meñ lahū kī kamī sī lagtī hai
usī ko yaad dilātā hai baar baar dimāġh
vo ek baat jo dil meñ anī sī lagtī hai
ki roz ek nayā gul khilātī rahtī hai
ye kā.enāt kisī kī galī sī lagtī hai
kabhī to lagtā hai gumrāh kar ga.ī mujh ko
suḳhan-varī kabhī paiġhambarī sī lagtī hai
janāb-e-shaiḳh kī mahfil se uTh chalo ki 'suhail'
yahāñ to nabz-e-do-ālam rukī sī lagtī hai
nawah-e-jaan mein kahin abtari si lagti hai
sukun ho to ajab bekali si lagti hai
ek aarzu mujhe kya kya fareb deti hai
bujhe charagh mein bhi raushni si lagti hai
gai ruton ke tasarruf mein aa gaya shayad
ab aansuon mein lahu ki kami si lagti hai
usi ko yaad dilata hai bar bar dimagh
wo ek baat jo dil mein ani si lagti hai
ki roz ek naya gul khilati rahti hai
ye kaenat kisi ki gali si lagti hai
kabhi to lagta hai gumrah kar gai mujh ko
suKHan-wari kabhi paighambari si lagti hai
janab-e-shaiKH ki mahfil se uTh chalo ki 'suhail'
yahan to nabz-e-do-alam ruki si lagti hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
