nawed-e-wasl-e-yar aae na aae

naved-e-vasl-e-yār aa.e na aa.e

barābar hai bahār aa.e na aa.e

tujhe karnā hai jo kuchh aaj kar le

ki phir ye rozgār aa.e na aa.e

kiye jā dard-e-dil ai nā-murādī

kisī ko e'tibār aa.e na aa.e

koī pursāñ na ho jab hāl-e-bad kā

tamannā sogvār aa.e na aa.e

jo vo bil-farz ho pursish pa maa.il

dil-e-bismil qarār aa.e na aa.e

sitam se jab talāfī ho sitam kī

tumhīñ kah do ki pyaar aa.e na aa.e

'asar' hai aur lazzat be-ḳhudī kī

vo jān-e-intizār aa.e na aa.e

nawed-e-wasl-e-yar aae na aae

barabar hai bahaar aae na aae

tujhe karna hai jo kuchh aaj kar le

ki phir ye rozgar aae na aae

kiye ja dard-e-dil ai na-muradi

kisi ko e'tibar aae na aae

koi pursan na ho jab haal-e-bad ka

tamanna sogwar aae na aae

jo wo bil-farz ho pursish pa mail

dil-e-bismil qarar aae na aae

sitam se jab talafi ho sitam ki

tumhin kah do ki pyar aae na aae

'asar' hai aur lazzat be-KHudi ki

wo jaan-e-intizar aae na aae