naya ek rishta paida kyun karen hum

Jaun Eliya

naya ek rishta paida kyun karen hum

Jaun Eliya

MORE BYJaun Eliya

    nayā ik rishta paidā kyuuñ kareñ ham

    bichhaḌnā hai to jhagḌā kyuuñ kareñ ham

    ḳhamoshī se adā ho rasm-e-dūrī

    koī hañgāma barpā kyuuñ kareñ ham

    ye kaafī hai ki ham dushman nahīñ haiñ

    vafā-dārī da.avā kyuuñ kareñ ham

    vafā iḳhlās qurbānī mohabbat

    ab in lafzoñ pīchhā kyuuñ kareñ ham

    sunā deñ ismat-e-mariyam qissa

    par ab is baab ko kyoñ kareñ ham

    zuleḳhā-e-azīzāñ baat ye hai

    bhalā ghāTe saudā kyoñ kareñ ham

    hamārī tamannā kyuuñ karo tum

    tumhārī tamannā kyuuñ kareñ ham

    kiyā thā ahd jab lamhoñ meñ ham ne

    to saarī umr iifā kyuuñ kareñ ham

    uThā kar kyoñ na pheñkeñ saarī chīzeñ

    faqat kamroñ meñ Tahlā kyoñ kareñ ham

    jo ik nasl faromāya ko pahuñche

    vo sarmāya ikaTThā kyoñ kareñ ham

    nahīñ duniyā ko jab parvā hamārī

    to phir duniyā parvā kyuuñ kareñ ham

    barahna haiñ sar-e-bāzār to kyā

    bhalā andhoñ se parda kyoñ kareñ ham

    haiñ bāshinde usī bastī ke ham bhī

    so ḳhud par bhī bharosā kyoñ kareñ ham

    chabā leñ kyoñ na ḳhud apnā Dhāñcha

    tumheñ rātib muhayyā kyoñ kareñ ham

    paḌī haiñ do insānoñ lāsheñ

    zamīñ bojh halkā kyoñ kareñ ham

    ye bastī hai musalmānoñ bastī

    yahāñ kār-e-masīhā kyuuñ kareñ ham

    naya ek rishta paida kyun karen hum

    bichhaDna hai to jhagDa kyun karen hum

    KHamoshi se ada ho rasm-e-duri

    koi hangama barpa kyun karen hum

    ye kafi hai ki hum dushman nahin hain

    wafa-dari ka dawa kyun karen hum

    wafa iKHlas qurbani mohabbat

    ab in lafzon ka pichha kyun karen hum

    suna den ismat-e-mariyam ka qissa

    par ab is bab ko wa kyon karen hum

    zuleKHa-e-azizan baat ye hai

    bhala ghaTe ka sauda kyon karen hum

    hamari hi tamanna kyun karo tum

    tumhaari hi tamanna kyun karen hum

    kiya tha ahd jab lamhon mein hum ne

    to sari umr ifa kyun karen hum

    uTha kar kyon na phenken sari chizen

    faqat kamron mein Tahla kyon karen hum

    jo ek nasl faromaya ko pahunche

    wo sarmaya ikaTTha kyon karen hum

    nahin duniya ko jab parwa hamari

    to phir duniya ki parwa kyun karen hum

    barahna hain sar-e-bazar to kya

    bhala andhon se parda kyon karen hum

    hain bashinde usi basti ke hum bhi

    so KHud par bhi bharosa kyon karen hum

    chaba len kyon na KHud hi apna Dhancha

    tumhein raatib muhayya kyon karen hum

    paDi hain do insanon ki lashen

    zamin ka bojh halka kyon karen hum

    ye basti hai musalmanon ki basti

    yahan kar-e-masiha kyun karen hum

    Videos
    This video is playing from YouTube

    Videos
    This video is playing from YouTube

    Jaun Eliya

    Jaun Eliya

    Unknown

    Unknown

    Unknown

    Unknown

    Source :
    • Book : shayad (Pg. 125)
    • Author : jaun eliya
    • Publication : kitabi duniya (2008)
    • Edition : 2008

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now