nazar mein shaiba-e-husn-e-yar aa jae

nazar meñ shā.iba-e-husn-e-yār aa jaa.e

jidhar nigāh uThā duuñ bahār aa jaa.e

batāte haiñ tire kūche meñ merī ḳhair ahbāb

mirī taraf se na dil meñ ġhubār aa jaa.e

mirī lahad pe raqīboñ ne sang-e-rāh likhā

tumhāre dil meñ na koī ġhubār aa jaa.e

musir haiñ is pe vafā.eñ mirī ki ab turbat

bagūlā ban ke sar-e-rāh-e-yār aa jaa.e

dikhā na sāqī-e-roz-e-azal mujhe ik din

kahīñ na zindagī bhar ko ḳhumār aa jaa.e

jagāne qabr pe gar roz-e-hashr vo aa.eñ

to lutf-e-gardish-e-lail-o-nahār aa jaa.e

ilāhī hañs paḌe dozaḳh bhī terī rahmat par

sameTūñ aag to bāġh-o-bahār aa jaa.e

talab to ho dil-e-āshiq se kyā nahīñ mumkin

ye gar ba-zid ho to parvardigār aa jaa.e

vahīñ talāsh karo jalva-gāh-e-nāz 'qadīr'

nazar jahāñ vo dil-e-dāġh-dār aa jaa.e

nazar mein shaiba-e-husn-e-yar aa jae

jidhar nigah uTha dun bahaar aa jae

batate hain tere kuche mein meri KHair ahbab

meri taraf se na dil mein ghubar aa jae

meri lahad pe raqibon ne sang-e-rah likha

tumhaare dil mein na koi ghubar aa jae

musir hain is pe wafaen meri ki ab turbat

bagula ban ke sar-e-rah-e-yar aa jae

dikha na saqi-e-roz-e-azal mujhe ek din

kahin na zindagi bhar ko KHumar aa jae

jagane qabr pe gar roz-e-hashr wo aaen

to lutf-e-gardish-e-lail-o-nahaar aa jae

ilahi hans paDe dozaKH bhi teri rahmat par

sameTun aag to bagh-o-bahaar aa jae

talab to ho dil-e-ashiq se kya nahin mumkin

ye gar ba-zid ho to parwardigar aa jae

wahin talash karo jalwa-gah-e-naz 'qadir'

nazar jahan wo dil-e-dagh-dar aa jae