nazar nazar ko saqi-e-hayat kahte aae hain

nazar nazar ko sāqī-e-hayāt kahte aa.e haiñ

un añkhḌiyoñ ko mai-kade kī raat kahte aa.e haiñ

ba-chāshnī-e-ahd-e-nau jo baat kahte aa.e haiñ

ġham-e-jahāñ ko dil kī kā.enāt kahte aa.e haiñ

fareb-e-shauq ko taḳhayyulāt kahte aa.e haiñ

bikhar ga.e to gesuoñ ko raat kahte aa.e haiñ

usī ko zindagī kā saaz de ke mutma.in huuñ maiñ

vo husn jis ko husn-e-be-sabāt kahte aa.e haiñ

ye muḳhlisān-e-ishq bhī 'ajab adā-parast haiñ

vo muskurā diye to iltifāt kahte aa.e haiñ

hayāt tā-mamāt ek silsila hai 'ishq kā

kahāñ haiñ vo jo marg ko najāt kahte aa.e haiñ

na zāhidoñ ke va.az-e-tark-e-ishq par hañse koī

ye be-ḳhabar bhī hausle kī baat kahte aa.e haiñ

ye zarf-e-bāda kyā hai bāda-āshnā se pūchhiye

ham is ko shīsha-e-tajalliyāt kahte aa.e haiñ

ġhazal hai naam husn ke muāmalāt-e-ḳhām kā

ḳhatā huī ki dilbaroñ kī baat kahte aa.e haiñ

sukūn o ḳhvāb zindagī kī raah meñ kahāñ 'nushūr'

hayāt ko musāfirat kī raat kahte aa.e haiñ

nazar nazar ko saqi-e-hayat kahte aae hain

un ankhDiyon ko mai-kade ki raat kahte aae hain

ba-chashni-e-ahd-e-nau jo baat kahte aae hain

gham-e-jahan ko dil ki kaenat kahte aae hain

fareb-e-shauq ko taKHayyulat kahte aae hain

bikhar gae to gesuon ko raat kahte aae hain

usi ko zindagi ka saz de ke mutmain hun main

wo husn jis ko husn-e-be-sabaat kahte aae hain

ye muKHlisan-e-ishq bhi 'ajab ada-parast hain

wo muskura diye to iltifat kahte aae hain

hayat ta-mamat ek silsila hai 'ishq ka

kahan hain wo jo marg ko najat kahte aae hain

na zahidon ke waz-e-tark-e-ishq par hanse koi

ye be-KHabar bhi hausle ki baat kahte aae hain

ye zarf-e-baada kya hai baada-ashna se puchhiye

hum is ko shisha-e-tajalliyat kahte aae hain

ghazal hai nam husn ke muamalat-e-KHam ka

KHata hui ki dilbaron ki baat kahte aae hain

sukun o KHwab zindagi ki rah mein kahan 'nushur'

hayat ko musafirat ki raat kahte aae hain