nazar nazar se milana koi mazaq nahin
nazar nazar se milānā koī mazāq nahīñ
milā ke aañkh churānā koī mazāq nahīñ
pahāḌ kaaT to saktā hai tesha-e-farhād
pahāḌ sar pe uThānā koī mazāq nahīñ
uḌāneñ bharte raheñ laakh tā.irān-e-ḳhayāl
sitāre toḌ ke laanā koī mazāq nahīñ
lahū lahū hai jigar daaġh daaġh hai siina
ye do diloñ kā fasāna koī mazāq nahīñ
havā.eñ aaj bhī āvāra o pareshāñ haiñ
mahak guloñ kī uḌānā koī mazāq nahīñ
hazāroñ karvaTeñ lete haiñ āsmān o zamīñ
gire huoñ ko uThānā koī mazāq nahīñ
ye aur baat bulā.eñ na apnī mahfil meñ
magar 'ziyā' ko bhulānā koī mazāq nahīñ
nazar nazar se milana koi mazaq nahin
mila ke aankh churana koi mazaq nahin
pahaD kaT to sakta hai tesha-e-farhad
pahaD sar pe uThana koi mazaq nahin
uDanen bharte rahen lakh tairan-e-KHayal
sitare toD ke lana koi mazaq nahin
lahu lahu hai jigar dagh dagh hai sina
ye do dilon ka fasana koi mazaq nahin
hawaen aaj bhi aawara o pareshan hain
mahak gulon ki uDana koi mazaq nahin
hazaron karwaTen lete hain aasman o zamin
gire huon ko uThana koi mazaq nahin
ye aur baat bulaen na apni mahfil mein
magar 'ziya' ko bhulana koi mazaq nahin
- Book : Karwaan-e-Ghazal (Pg. 303)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
