nazar nichi hai yar-e-KHush-nazar ki
nazar nīchī hai yār-e-ḳhush-nazar kī
karāmat hai ye merī chashm-e-tar kī
mubārak tujh ko ai sarv-e-ḳhirāmāñ
javānī dhuup jaise dopahar kī
usī ko lutf aayā zindagī kā
junūñ meñ zindagī jis ne basar kī
yahāñ parvāz ke ādāb sīkho
asīrī tarbiyat hai bāl-o-par kī
safar kaTtā hai aksar be-ḳhudī meñ
adā.eñ yaad haiñ ik ham-safar kī
ḳhushā ai soz-e-ġham terī badaulat
duāoñ par ināyat hai asar kī
vo ḳhush haiñ 'vajd' arz-e-hāl kar le
yahāñ fursat nahīñ arz-e-hunar kī
nazar nichi hai yar-e-KHush-nazar ki
karamat hai ye meri chashm-e-tar ki
mubarak tujh ko ai sarw-e-KHiraman
jawani dhup jaise dopahar ki
usi ko lutf aaya zindagi ka
junun mein zindagi jis ne basar ki
yahan parwaz ke aadab sikho
asiri tarbiyat hai baal-o-par ki
safar kaTta hai aksar be-KHudi mein
adaen yaad hain ek ham-safar ki
KHusha ai soz-e-gham teri badaulat
duaon par inayat hai asar ki
wo KHush hain 'wajd' arz-e-haal kar le
yahan fursat nahin arz-e-hunar ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
