nazar se nam na gaya ruh se kasak na gai

nazar se nam na gayā ruuh se kasak na ga.ī

badan se jab tak udāsī mirī chhalak na ga.ī

mirī to aah bhī shāyad havā se bhārī hai

zamīn tak hī rahī āsmān tak na ga.ī

maiñ sochtā rahā jab tak dimāġh shal na huā

maiñ dekhtā rahā jab tak nigāh thak na ga.ī

vo barshgāl kahīñ hāfize meñ rah ga.ī hai

ghaTā baras ga.ī lekin garaj chamak na ga.ī

kiran ne sabze bhare baaġh se guzar nā kiyā

ki jab tak os ke qatroñ se raah Dhak na ga.ī

maiñ tujh se kaT ke jalā shāḳh-e-sandalīñ kī tarah

maiñ raakh ho gayā mujh se tirī mahak na ga.ī

nazar se nam na gaya ruh se kasak na gai

badan se jab tak udasi meri chhalak na gai

meri to aah bhi shayad hawa se bhaari hai

zamin tak hi rahi aasman tak na gai

main sochta raha jab tak dimagh shal na hua

main dekhta raha jab tak nigah thak na gai

wo barshgal kahin hafize mein rah gai hai

ghaTa baras gai lekin garaj chamak na gai

kiran ne sabze bhare bagh se guzar na kiya

ki jab tak os ke qatron se rah Dhak na gai

main tujh se kaT ke jala shaKH-e-sandalin ki tarah

main rakh ho gaya mujh se teri mahak na gai