nazr-e-diwar kar diye gae hain

nazr-e-dīvār kar diye ga.e haiñ

rang be-kār kar diye ga.e haiñ

ḳhaak samjheñge ham ko ahl-e-nazar

jitne dushvār kar diye ga.e haiñ

ham bhī kyā sāda-lauh the lekin

kitne hushiyār kar diye ga.e haiñ

tiir the Dūbte hue manzar

aañkh se paar kar diye ga.e haiñ

jītnā kab tirā muqaddar thā

ham tujhe haar kar diye ga.e haiñ

jab se darbār ho ga.e haiñ chauk

chauk darbār kar diye ga.e haiñ

aap bezār the nahīñ ham se

aap bezār kar diye ga.e haiñ

nazr-e-diwar kar diye gae hain

rang be-kar kar diye gae hain

KHak samjhenge hum ko ahl-e-nazar

jitne dushwar kar diye gae hain

hum bhi kya sada-lauh the lekin

kitne hushiyar kar diye gae hain

tir the Dubte hue manzar

aankh se par kar diye gae hain

jitna kab tera muqaddar tha

hum tujhe haar kar diye gae hain

jab se darbar ho gae hain chauk

chauk darbar kar diye gae hain

aap bezar the nahin hum se

aap bezar kar diye gae hain