aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ne shikwa-mand dil se na az-dast-dida hun

Shaikh Zahuruddin Hatim

ne shikwa-mand dil se na az-dast-dida hun

Shaikh Zahuruddin Hatim

MORE BYShaikh Zahuruddin Hatim

    ne shikva-mañd dil se na az-dast-dīda huuñ

    is baḳht-e-nā-rasā se aziyyat-kashīda huuñ

    ḳhanda tabassum o fursat-e-suḳhan

    is anjuman meñ haiñ lab-e-hasrat-gazīda huuñ

    ne kaam kisī ke na mujh ko kisī se kaam

    hairāñ huuñ kis liye maiñ yahāñ āfrīda huuñ

    hastī ko ne sabāt na jiine e'timād

    kis umiid par koī dam āramīda huuñ

    merā to kaam ek palak meñ tamām hai

    mānind-e-ashk bar-sar-e-mizhgāñ rasīda huuñ

    gulchīñ abas nigāh rakhe hai mirī taraf

    maiñ is chaman meñ juuñ gul-e-rañg-e-parīda huuñ

    sauñpūñ maiñ kyuuñ na apnā garebāñ ajal ke haat

    ai umr zindagī se maiñ dāman-kashīda huuñ

    is vāste qadr mirī jāntā nahīñ

    haañ in tire ġhulāmoñ meñ be-zar ḳharīda huuñ

    merā bhī dil shagufta kabhū ho nasīm-e-vasl

    bahutoñ is chaman meñ maiñ ab ḳhārvīda huuñ

    pās-e-adab se us ke qadam tak nahīñ majāl

    varna na pā-shikasta na dast-e-burīda huuñ

    dushman se bhī tavāzo meñ rakhtā nahīñ dareġh

    ta.azīm ko adū maiñ teġh-e-ḳhamīda huuñ

    rone talak to kis ko hai fursat yahāñ sahāb

    tūfāñ huā bhī jo Tuk ik āb-dīda huuñ

    yārāñ dimāġh ko jo karūñ tum se iḳhtilāt

    is dasht meñ maiñ vahshī-e-az-ḳhud-ramīda huuñ

    kyā pūchhte ho dard ko 'hātim' ke dostāñ

    jo kuchh ki huuñ so huuñ ġharaz āfat-rasīda huuñ

    ne shikwa-mand dil se na az-dast-dida hun

    is baKHt-e-na-rasa se aziyyat-kashida hun

    ku KHanda ku tabassum o ku fursat-e-suKHan

    is anjuman mein hain lab-e-hasrat-gazida hun

    ne kaam ka kisi ke na mujh ko kisi se kaam

    hairan hun kis liye main yahan aafrida hun

    hasti ko ne sabaat na jine ka e'timad

    kis ki umid par koi dam aaramida hun

    mera to kaam ek palak mein tamam hai

    manind-e-ashk bar-sar-e-mizhgan rasida hun

    gulchin abas nigah rakhe hai meri taraf

    main is chaman mein jun gul-e-rang-e-parida hun

    saunpun main kyun na apna gareban ajal ke hat

    ai umr zindagi se main daman-kashida hun

    is waste tu qadr meri jaanta nahin

    han in tere ghulamon mein be-zar KHarida hun

    mera bhi dil shagufta kabhu ho nasim-e-wasl

    bahuton ka is chaman mein main ab KHarwida hun

    pas-e-adab se us ke qadam tak nahin majal

    warna na pa-shikasta na dast-e-burida hun

    dushman se bhi tawazo mein rakhta nahin daregh

    tazim ko adu ki main tegh-e-KHamida hun

    rone talak to kis ko hai fursat yahan sahab

    tufan hua bhi jo Tuk ek aab-dida hun

    yaran dimagh ko jo karun tum se iKHtilat

    is dasht mein main wahshi-e-az-KHud-ramida hun

    kya puchhte ho dard ko 'hatim' ke dostan

    jo kuchh ki hun so hun gharaz aafat-rasida hun

    Source:

    Diwan Zadah (Pg. 240)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now