nigah-e-shauq ne meri jahan dekha jidhar dekha

nigāh-e-shauq ne merī jahāñ dekhā jidhar dekhā

usī ko jalva-gar har-sū ba-andāz-e-digar dekhā

marīz-e-ishq ne ghul ghul ke āḳhir jaan hī de dī

davāoñ kā asar maiñ ne tumhārī chārāgar dekhā

hujūm-e-ranj-o-ġham hirmān-o-hasrat yās-o-nākāmī

kahāñ juz is ke naḳhl-e-ishq meñ koī samar dekhā

hijāb-e-abr meñ ġhairat se sūraj ho gayā pinhāñ

tumhāre husn kī dilkash jhalak jab baam par dekhā

jabīn-e-shauq meñ sajde niyāzoñ ke taḌap uTThe

nigāh-e-justujū ne jab kisī kā sang-e-dar dekhā

ba-rang-e-kāh chāhā hāsidoñ ne piis hī Dāleñ

'jalāl'-e-be-navā ko mutma.in jab apne ghar dekhā

nigah-e-shauq ne meri jahan dekha jidhar dekha

usi ko jalwa-gar har-su ba-andaz-e-digar dekha

mariz-e-ishq ne ghul ghul ke aaKHir jaan hi de di

dawaon ka asar main ne tumhaari chaaragar dekha

hujum-e-ranj-o-gham hirman-o-hasrat yas-o-nakaami

kahan juz is ke naKHl-e-ishq mein koi samar dekha

hijab-e-abr mein ghairat se suraj ho gaya pinhan

tumhaare husn ki dilkash jhalak jab baam par dekha

jabin-e-shauq mein sajde niyazon ke taDap uTThe

nigah-e-justuju ne jab kisi ka sang-e-dar dekha

ba-rang-e-kah chaha hasidon ne pis hi Dalen

'jalal'-e-be-nawa ko mutmain jab apne ghar dekha