nigah-e-yar yunhi aur chand paimane

nigāh-e-yār yūñhī aur chand paimāne

ab apne hosh meñ aane na paa.eñ dīvāne

mohabbat asl meñ kyā chiiz hai ḳhudā jaane

dahan meñ jitnī zabāneñ haiñ utne afsāne

jo ashk-e-surḳh hai nāma-nigār hai dil kā

sukūt-e-shab meñ likhe jā rahe haiñ afsāne

jahān-e-hosh meñ tā-hashr tabsire hoñge

zabāñ meñ apnī ye kyā kah rahe the dīvāne

shugūn us nigah-e-mai-farosh se le kar

ham aap vaz.a kareñge hazār maiḳhāne

na pūchho āh-e-mohabbat kī raḳhna-andāzī

ḳhudā gavāh hai apne hue haiñ begāne

har ashk-e-surḳh hai dāmān-e-shab meñ aag kā phuul

baġhair sham.a ke bhī jal rahe haiñ parvāne

qadam qadam pe sadā-e-shikast-e-tauba hai

nisār-e-laġhzish-e-sāqī hazār paimāne

fareb-e-husn-e-samā.at tirī duhā.ī hai

haqīqatoñ kī jagah chhīnte haiñ afsāne

buland-o-past nazar farq-e-zāhirī hai 'sirāj'

bane to haiñ inhīñ ābādiyoñ se vīrāne

nigah-e-yar yunhi aur chand paimane

ab apne hosh mein aane na paen diwane

mohabbat asl mein kya chiz hai KHuda jaane

dahan mein jitni zabanen hain utne afsane

jo ashk-e-surKH hai nama-nigar hai dil ka

sukut-e-shab mein likhe ja rahe hain afsane

jahan-e-hosh mein ta-hashr tabsire honge

zaban mein apni ye kya kah rahe the diwane

shugun us nigah-e-mai-farosh se le kar

hum aap waza karenge hazar maiKHane

na puchho aah-e-mohabbat ki raKHna-andazi

KHuda gawah hai apne hue hain begane

har ashk-e-surKH hai daman-e-shab mein aag ka phul

baghair shama ke bhi jal rahe hain parwane

qadam qadam pe sada-e-shikast-e-tauba hai

nisar-e-laghzish-e-saqi hazar paimane

fareb-e-husn-e-samaat teri duhai hai

haqiqaton ki jagah chhinte hain afsane

buland-o-past nazar farq-e-zahiri hai 'siraj'

bane to hain inhin aabaadiyon se virane