nigah karne mein lagta hai kya zamana koi
nigāh karne meñ lagtā hai kyā zamāna koī
payambarī na sahī dukh payambarāna koī
ik-ādh baar to jaañ vārnī hī paḌtī hai
mohabbateñ hoñ to bantā nahīñ bahāna koī
maiñ tere daur meñ zinda huuñ tū ye jāntā hai
hadaf to maiñ thā magar ban gayā nishāna koī
ab is qadar bhī yahāñ zulm ko panāh na do
ye ghar girā hī na de dast-e-ġhā.ebāna koī
ujāltā huuñ maiñ nālain-e-pā-e-laḳht-e-jigar
ki madrase ko chalā ilm kā ḳhazāna koī
nigah karne mein lagta hai kya zamana koi
payambari na sahi dukh payambarana koi
ik-adh bar to jaan warni hi paDti hai
mohabbaten hon to banta nahin bahana koi
main tere daur mein zinda hun tu ye jaanta hai
hadaf to main tha magar ban gaya nishana koi
ab is qadar bhi yahan zulm ko panah na do
ye ghar gira hi na de dast-e-ghaebana koi
ujalta hun main nalain-e-pa-e-laKHt-e-jigar
ki madrase ko chala ilm ka KHazana koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
