nigah o dil ke pas ho wo mera aashna rahe

nigāh o dil ke paas ho vo merā āshnā rahe

havas hai yā ki ishq hai ye kaun sochtā rahe

vo merā jab na ho sakā to phir yahī sazā rahe

kisī ko pyaar jab karūñ vo chhup ke dekhtā rahe

use manā to luuñ magar ye silsila bhī kyā rahe

alag hai us kā zā.iqa ki vo khiñchā khiñchā rahe

mashām-e-jāñ pe ḳhushbuoñ kī jab phuvār hī na ho

hazār baat baat meñ vo phuul Tāñktā rahe

shaguftan-e-jamāl ko hijāb-e-lams chāhiye

fasīl-e-shab kī oT meñ charāġh ye jalā rahe

na itnī duur jā.iye ki log pūchhne lageñ

kisī ko dil kī kyā ḳhabar ye haath to milā rahe

nigah o dil ke pas ho wo mera aashna rahe

hawas hai ya ki ishq hai ye kaun sochta rahe

wo mera jab na ho saka to phir yahi saza rahe

kisi ko pyar jab karun wo chhup ke dekhta rahe

use mana to lun magar ye silsila bhi kya rahe

alag hai us ka zaiqa ki wo khincha khincha rahe

masham-e-jaan pe KHushbuon ki jab phuwar hi na ho

hazar baat baat mein wo phul Tankta rahe

shaguftan-e-jamal ko hijab-e-lams chahiye

fasil-e-shab ki oT mein charagh ye jala rahe

na itni dur jaiye ki log puchhne lagen

kisi ko dil ki kya KHabar ye hath to mila rahe