nigah ka war tha dil par phaDakne jaan lagi

nigah kā vaar thā dil par phaḌakne jaan lagī

chalī thī barchhī kisī par kisī ke aan lagī

tirā zabāñ se milānā zabāñ jo yaad aayā

na haa.e haa.e meñ taalū se phir zabān lagī

kisī ke dil kā suno haal dil lagā kar tum

jo hove dil ko tumhāre bhī mehrbān lagī

to vo hai māh-jabīñ misl-e-dīda-e-anjum

rahe hai terī taraf chashm-e-yak-jahān lagī

ḳhudā kare kahe tujh se ye kuchh ḳhudā-lagtī

ki zulf ai but-e-bad-kesh tere kaan lagī

uḌaa.ī hirs ne aa kar jahāñ meñ sab kī ḳhaak

nahīñ hai kis ko havā zer-e-āsmān lagī

kisī kī kāvish-e-mizhgāñ se aaj saarī raat

nahīñ palak se palak merī ek aan lagī

tabāh bahr-e-jahāñ meñ thī apnī kashti-e-umr

so TūT-phūT ke baare kināre aan lagī

tumhāre haath se siine meñ dil se ta-ba-jigar

sinān o ḳhanjar o paikāñ kī hai dukān lagī

ḳhadañg-e-yār mire dil se kis tarah nikle

ki us ke saath hai ai 'zauq' merī jaan lagī

nigah ka war tha dil par phaDakne jaan lagi

chali thi barchhi kisi par kisi ke aan lagi

tera zaban se milana zaban jo yaad aaya

na hae hae mein talu se phir zaban lagi

kisi ke dil ka suno haal dil laga kar tum

jo howe dil ko tumhaare bhi mehrban lagi

to wo hai mah-jabin misl-e-dida-e-anjum

rahe hai teri taraf chashm-e-yak-jahan lagi

KHuda kare kahe tujh se ye kuchh KHuda-lagti

ki zulf ai but-e-bad-kesh tere kan lagi

uDai hirs ne aa kar jahan mein sab ki KHak

nahin hai kis ko hawa zer-e-asman lagi

kisi ki kawish-e-mizhgan se aaj sari raat

nahin palak se palak meri ek aan lagi

tabah bahr-e-jahan mein thi apni kashti-e-umr

so TuT-phuT ke bare kinare aan lagi

tumhaare hath se sine mein dil se ta-ba-jigar

sinan o KHanjar o paikan ki hai dukan lagi

KHadang-e-yar mere dil se kis tarah nikle

ki us ke sath hai ai 'zauq' meri jaan lagi