nigah ki shoala-fazai ko kam hai did uski
nigah kī sho.ala-fazā.ī ko kam hai diid us kī
charāġh chāhtā hai lau zarā mazīd us kī
darūn-e-dil kisī zaḳhm-e-dahan-kushā kī tarah
bahut dinoñ se talab hai baḌī shadīd us kī
milā to hai koī bint-e-inab sā lab lekin
hamāre shahr meñ mamnua hai kashīd is kī
ab us kā haq hai bahisht-e-badan pe jā uThnā
nigah hui hai rah-e-dīd par shahīd us kī
maiñ sar-ba-ḳhāk huuñ taaki vo surḳh-rū ho jaa.e
bapā jo mātam-e-dil ho to phir ho iid us kī
nigah ki shoala-fazai ko kam hai did us ki
charagh chahta hai lau zara mazid us ki
darun-e-dil kisi zaKHm-e-dahan-kusha ki tarah
bahut dinon se talab hai baDi shadid us ki
mila to hai koi bint-e-inab sa lab lekin
hamare shahr mein mamnua hai kashid is ki
ab us ka haq hai bahisht-e-badan pe ja uThna
nigah hui hai rah-e-did par shahid us ki
main sar-ba-KHak hun taki wo surKH-ru ho jae
bapa jo matam-e-dil ho to phir ho id us ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
