nim bismil ki kya ada hai ye

niim bismil kī kyā adā hai ye

āshiqo loTne kī jā hai ye

shab-e-vasl-e-sanam vilā hai ye

bose hoñToñ kī le mazā hai ye

dil ko kyuuñ pā.emāl karte ho

na to sabza hī na hinā hai ye

kaaT kar sar lagā.iye Thokar

qatl-e-āshiq kā ḳhūñ-bahā hai ye

dūd-e-dil kyuuñ na rashk-e-sumbul ho

ātish-e-husn se jalā hai ye

zulf meñ kyuuñ na dil rahe bedār

lailatul-qadr se sivā hai ye

āñkheñ us kī siyāh haiñ az-ḳhud

tūtiyā kis kā tūtiyā hai ye

kyā hai nām-e-ḳhudā hai merā sanam

but jise kahte haiñ ḳhudā hai ye

zulf meñ dil mudām rahtā hai

dekhnā kis ke sar chaḌhā hai ye

dar pe nālāñ jo huuñ to kahtā hai

pūchho kyā chiiz bechtā hai ye

chūmtā huuñ maiñ apne dil ke qadam

bosa-e-yār kā gadā hai ye

dafn masjid meñ mere dil ko karo

tāq-e-abrū pe mar gayā hai ye

tāq-e-abrū-e-yār ko dekhūñ

ain ka.abe meñ iltijā hai ye

qad-e-jānāñ nahīñ qayāmat hai

zulf-e-jānāñ nahīñ balā hai ye

go sanam murde zinde kartā hai

kaun kāfir kahe ḳhudā hai ye

ho shahādat nasīb 'goyā' ko

fidvī-e-shāh-e-karbalā hai ye

nim bismil ki kya ada hai ye

aashiqo loTne ki ja hai ye

shab-e-wasl-e-sanam wila hai ye

bose honTon ki le maza hai ye

dil ko kyun paemal karte ho

na to sabza hi na hina hai ye

kaT kar sar lagaiye Thokar

qatl-e-ashiq ka KHun-baha hai ye

dud-e-dil kyun na rashk-e-sumbul ho

aatish-e-husn se jala hai ye

zulf mein kyun na dil rahe bedar

lailatul-qadr se siwa hai ye

aankhen us ki siyah hain az-KHud

tutiya kis ka tutiya hai ye

kya hai nam-e-KHuda hai mera sanam

but jise kahte hain KHuda hai ye

zulf mein dil mudam rahta hai

dekhna kis ke sar chaDha hai ye

dar pe nalan jo hun to kahta hai

puchho kya chiz bechta hai ye

chumta hun main apne dil ke qadam

bosa-e-yar ka gada hai ye

dafn masjid mein mere dil ko karo

taq-e-abru pe mar gaya hai ye

taq-e-abru-e-yar ko dekhun

ain kabe mein iltija hai ye

qad-e-jaanan nahin qayamat hai

zulf-e-jaanan nahin bala hai ye

go sanam murde zinde karta hai

kaun kafir kahe KHuda hai ye

ho shahadat nasib 'goya' ko

fidwi-e-shah-e-karbala hai ye