nim-shab aatish-e-fariyaad-e-asiran raushan

nīm-shab ātish-e-fariyād-e-asīrāñ raushan

dhuup sī phail rahī hai sar-e-dīvār-e-chaman

yā tire qurb kī ye sā.at-e-afsurda hai

yā kabhī tere tasavvur se sulagtā thā badan

dil-jale ro.e haiñ shāyad kahīñ phir āḳhir-e-shab

bhīgā bhīgā hai nasīm-e-saharī kā dāman

aaj tak yaad hai vo shām-e-judā.ī kā samāñ

terī āvāz kī larzish tire lahje kī thakan

dil ke zaḳhmoñ se mahak aatī hai phūloñ kī 'azīm'

sīna-e-chāk hai yā raḳhna-e-dīvār-e-chaman

nim-shab aatish-e-fariyaad-e-asiran raushan

dhup si phail rahi hai sar-e-diwar-e-chaman

ya tere qurb ki ye saat-e-afsurda hai

ya kabhi tere tasawwur se sulagta tha badan

dil-jale roe hain shayad kahin phir aaKHir-e-shab

bhiga bhiga hai nasim-e-sahari ka daman

aaj tak yaad hai wo sham-e-judai ka saman

teri aawaz ki larzish tere lahje ki thakan

dil ke zaKHmon se mahak aati hai phulon ki 'azim'

sina-e-chaak hai ya raKHna-e-diwar-e-chaman