nind ko nind aae jati hai

niiñd ko niiñd aa.e jaatī hai

raat mujh ko jagā.e jaatī hai

ek laḌkī jo mar ga.ī kab kī

vo abhī tak bulā.e jaatī hai

har tarah ret hai jo sahrā kī

naam bārish batā.e jaatī hai

aa.ī to thī vo gul khilāne ko

aur kyā gul khilā.e jaatī hai

kamra andar se band kar ke vo

qaid jag ko karā.e jaatī hai

din umīdoñ ko chhīn letā hai

raat sapne dikhā.e jaatī hai

maiñ haqīqat batā.e jaatā huuñ

vo kahānī sunā.e jaatī hai

maiñ bhī ab ghar meñ kam hī jaatā huuñ

maañ bhī aadat banā.e jaatī hai

nind ko nind aae jati hai

raat mujh ko jagae jati hai

ek laDki jo mar gai kab ki

wo abhi tak bulae jati hai

har tarah ret hai jo sahra ki

nam barish batae jati hai

aai to thi wo gul khilane ko

aur kya gul khilae jati hai

kamra andar se band kar ke wo

qaid jag ko karae jati hai

din umidon ko chhin leta hai

raat sapne dikhae jati hai

main haqiqat batae jata hun

wo kahani sunae jati hai

main bhi ab ghar mein kam hi jata hun

man bhi aadat banae jati hai