nind maston ko kahan aur kidhar ka takiya

niiñd mastoñ ko kahāñ aur kidhar kā takiya

ḳhisht-e-ḳhum-ḳhāna hai yaañ apne to sar kā takiya

laḳht-e-dil aa ke musāfir se Thaharte haiñ yahāñ

chashm hai ham se gadāoñ kī guzar kā takiya

jis taraf aañkh uThā dekhiye ho jaa.e asar

ham to rakhte haiñ faqat apnī nazar kā takiya

chain hargiz nahīñ maḳhmal ke use takiye par

us parī ke liye ho huur ke par kā takiya

haath apne ke sivā aur to kyā ho haihāt

vālih o dar-ba-dar o ḳhāk-basar kā takiya

sar to chāhe hai mirā hove mayassar tere

haath kā baazū kā zaanū kā kamar kā takiya

ye to hāsil hai kahāñ bhej de lekin mujh ko

jis meñ bāloñ kī ho bū tere ho sar kā takiya

tīkhe-pan ke tire qurbān akaḌ ke sadqe

kyā hī baiThā hai lagā kar ke sipar kā takiya

garche ham saḳht gunahgār haiñ lekin vallāh

dil meñ jo Dar hai hameñ hai usī Dar kā takiya

girya o āh-o-fuġhāñ naala o yā rab fariyād

sab ko hai har shab-o-roz apne asar kā takiya

rind o āzād hue chhoḌ ilāqa sab kā

DhūñDhte kab haiñ pidar aur pisar kā takiya

gar bharosā hai hameñ ab to bharosā terā

aur takiya hai agar tere hī dar kā takiya

shauq se soiye sar rakh ke mire zaanū par

us ko mat samajhiye kuchh ḳhauf-o-ḳhatar kā takiya

jab talak aap na jāgeñge rahegā yuuñ hī

sarkegā tab hī ki jab kahiyegā sarkā takiya

lutf-e-īzadī hī se ummīd hai inshā-allāh

kuchh nahīñ rakhte haiñ ham fazl o hunar kā takiya

nind maston ko kahan aur kidhar ka takiya

KHisht-e-KHum-KHana hai yan apne to sar ka takiya

laKHt-e-dil aa ke musafir se Thaharte hain yahan

chashm hai hum se gadaon ki guzar ka takiya

jis taraf aankh uTha dekhiye ho jae asar

hum to rakhte hain faqat apni nazar ka takiya

chain hargiz nahin maKHmal ke use takiye par

us pari ke liye ho hur ke par ka takiya

hath apne ke siwa aur to kya ho haihat

walih o dar-ba-dar o KHak-basar ka takiya

sar to chahe hai mera howe mayassar tere

hath ka bazu ka zanu ka kamar ka takiya

ye to hasil hai kahan bhej de lekin mujh ko

jis mein baalon ki ho bu tere ho sar ka takiya

tikhe-pan ke tere qurban akaD ke sadqe

kya hi baiTha hai laga kar ke sipar ka takiya

garche hum saKHt gunahgar hain lekin wallah

dil mein jo Dar hai hamein hai usi Dar ka takiya

girya o aah-o-fughan nala o ya rab fariyaad

sab ko hai har shab-o-roz apne asar ka takiya

rind o aazad hue chhoD ilaqa sab ka

DhunDhte kab hain pidar aur pisar ka takiya

gar bharosa hai hamein ab to bharosa tera

aur takiya hai agar tere hi dar ka takiya

shauq se soiye sar rakh ke mere zanu par

us ko mat samajhiye kuchh KHauf-o-KHatar ka takiya

jab talak aap na jagenge rahega yun hi

sarkega tab hi ki jab kahiyega sarka takiya

lutf-e-izadi hi se ummid hai insha-allah

kuchh nahin rakhte hain hum fazl o hunar ka takiya