nind mein hai zamin aasman so gaya

niiñd meñ hai zamīñ āsmāñ so gayā

aa bhī jaao ki saarā jahāñ so gayā

aao ḳhalvat-sarā-e-haram chhoḌ kar

bām-o-dar so ga.e pāsbāñ so gayā

sub.h-dam naqsh-e-pā un ke dhuñdlā ga.e

chāñd bar-jāda-e-kahkashāñ so gayā

baal bikhre hue chehra utrā huā

shab kī āġhosh meñ gulsitāñ so gayā

ġham kī lau tez hañgāma-e-shauq kam

aag sulgā dī aur kārvāñ so gayā

zulf-o-ruḳh kyā kaheñ din kahīñ raat hai

ik jahāñ jaag uThā ik jahāñ so gayā

'mānī' sham-e-harīm-e-ġhazal bujh ga.ī

vo 'jigar' shā.ir-e-ḳhush-bayāñ so gayā

nind mein hai zamin aasman so gaya

aa bhi jao ki sara jahan so gaya

aao KHalwat-sara-e-haram chhoD kar

baam-o-dar so gae pasban so gaya

subh-dam naqsh-e-pa un ke dhundla gae

chand bar-jada-e-kahkashan so gaya

baal bikhre hue chehra utra hua

shab ki aaghosh mein gulsitan so gaya

gham ki lau tez hangama-e-shauq kam

aag sulga di aur karwan so gaya

zulf-o-ruKH kya kahen din kahin raat hai

ek jahan jag uTha ek jahan so gaya

'mani' sham-e-harim-e-ghazal bujh gai

wo 'jigar' shair-e-KHush-bayan so gaya