nikhra KHizan se rang-e-bahaaran hai in dinon

nikhrā ḳhizāñ se rañg-e-bahārāñ hai in dinoñ

vīrāniyoñ se baḌh ke gulistāñ hai in dinoñ

kam-māya mor mā.il-e-parvāz kyuuñ hue

barham bahut mizāj-e-sulaimāñ hai in dinoñ

phir tez ho chalī hai havā-e-fareb-e-ishq

kitnā hasīn ahd hai paimāñ hai in dinoñ

shaiḳh aa gayā bulandī-e-mimbar se farsh par

phir sāzish-e-buland kā imkāñ hai in dinoñ

khīñchī ajiib karb se sāhil ne āh-e-sard

goyā sukūt bar-lab-e-tūfāñ hai in dinoñ

phir baḌh ke ham ne jām-e-tamannā uThā liyā

phir ik na.ī shikast kā armāñ hai in dinoñ

vo daur-e-hādsāt-e-jahāñ hai ki al-amāñ

apnā to bas ḳhudā hī nigahbāñ hai in dinoñ

nikhra KHizan se rang-e-bahaaran hai in dinon

viraniyon se baDh ke gulistan hai in dinon

kam-maya mor mail-e-parwaz kyun hue

barham bahut mizaj-e-sulaiman hai in dinon

phir tez ho chali hai hawa-e-fareb-e-ishq

kitna hasin ahd hai paiman hai in dinon

shaiKH aa gaya bulandi-e-mimbar se farsh par

phir sazish-e-buland ka imkan hai in dinon

khinchi ajib karb se sahil ne aah-e-sard

goya sukut bar-lab-e-tufan hai in dinon

phir baDh ke hum ne jam-e-tamanna uTha liya

phir ek nai shikast ka arman hai in dinon

wo daur-e-hadsat-e-jahan hai ki al-aman

apna to bas KHuda hi nigahban hai in dinon