nok-e-har-Khaar par jo KHun Thahra

nok-e-har-ḳhār par jo ḳhuuñ Thahrā

mirī hastī meñ to junūñ Thahrā

tirī rāhoñ ko chun liyā dil ne

phir mire ḳhvāb kā zubūñ Thahrā

jaane kis dhun meñ chal rahī thī havā

ḳhitta-e-yās meñ sukūñ Thahrā

rañg badle ka.ī zamānoñ ne

dil kī hālat ki juuñ kā tuuñ Thahrā

maiñ hañsī bhī maiñ giḌgiḌā.ī bhī

vo na yuuñ Thahrā aur na yuuñ Thahrā

kyā kahā tū ne dil-girafta se

parcham-e-ās sar-nigūñ Thahrā

muzmahil thā koī bahut kal raat

phir tilismāt kā fusūñ Thahrā

nok-e-har-KHar par jo KHun Thahra

meri hasti mein to junun Thahra

teri rahon ko chun liya dil ne

phir mere KHwab ka zubun Thahra

jaane kis dhun mein chal rahi thi hawa

KHitta-e-yas mein sukun Thahra

rang badle kai zamanon ne

dil ki haalat ki jun ka tun Thahra

main hansi bhi main giDgiDai bhi

wo na yun Thahra aur na yun Thahra

kya kaha tu ne dil-girafta se

parcham-e-as sar-nigun Thahra

muzmahil tha koi bahut kal raat

phir tilismat ka fusun Thahra