nuqsan ho raha hai bahut karobar mein

nuqsān ho rahā hai bahut kārobār meñ

abbā paḌe haiñ jab se paḌosan ke pyaar meñ

sau koshishoñ se aa.e the chañdiyā pe chaar baal

do aarzū meñ kaT ga.e do intizār meñ

nā-ahl hī milī mujhe har ek ahliya

maiñ ne kiye nikāh sab yaaro udhār meñ

bantī na surma pasliyāñ aur phūTtā na sar

hotī agar zabān mire iḳhtiyār meñ

añgrezī guftugū kā baḌā fā.eda huā

chhe saat chāñd lag ga.e mere vaqār meñ

jab se makāñ badal ga.iiñ donoñ paḌosaneñ

lagtā nahīñ hai jī mirā ujḌe dayār meñ

nuqsan ho raha hai bahut karobar mein

abba paDe hain jab se paDosan ke pyar mein

sau koshishon se aae the chandiya pe chaar baal

do aarzu mein kaT gae do intizar mein

na-ahl hi mili mujhe har ek ahliya

main ne kiye nikah sab yaro udhaar mein

banti na surma pasliyan aur phuTta na sar

hoti agar zaban mere iKHtiyar mein

angrezi guftugu ka baDa faeda hua

chhe sat chand lag gae mere waqar mein

jab se makan badal gain donon paDosanen

lagta nahin hai ji mera ujDe dayar mein