nur-e-sahar kahan hai agar sham-e-gham gai

nūr-e-sahar kahāñ hai agar shām-e-ġham ga.ī

kab iltifāt thā ki jo ḳhū-e-sitam ga.ī

pherā bahār kā to baras do baras meñ hai

ye chaal hai ḳhizāñ kī jo ruk ruk ke tham ga.ī

shāyad koī asiir abhī tak qafas meñ hai

phir mauj-e-gul chaman se jo bā-chashm-e-nam ga.ī

qabze meñ josh-e-gul na ḳhizāñ dastaras meñ hai

rāhat bhī kab milī hai agar vaj.h-e-ġham ga.ī

haañ tarh-e-āshiyāñ bhī unhīñ ḳhār-o-ḳhas meñ hai

bijlī jahāñ pe ḳhaas ba-rañg-e-karam ga.ī

haañ shā.iba gurez kā bhī pesh-o-pas meñ hai

vo be-ruḳhī ki naaz kā thī jo bharam ga.ī

ab kā.enāt aur ḳhudāoñ ke bas meñ hai

ab rahbarī meñ qudrat-e-dair-o-haram ga.ī

jaadū ġhazal kā jazb-e-tamannā ke ras meñ hai

ya.anī vo dil kī baat diloñ meñ jo dam ga.ī

nur-e-sahar kahan hai agar sham-e-gham gai

kab iltifat tha ki jo KHu-e-sitam gai

phera bahaar ka to baras do baras mein hai

ye chaal hai KHizan ki jo ruk ruk ke tham gai

shayad koi asir abhi tak qafas mein hai

phir mauj-e-gul chaman se jo ba-chashm-e-nam gai

qabze mein josh-e-gul na KHizan dastaras mein hai

rahat bhi kab mili hai agar wajh-e-gham gai

han tarh-e-ashiyan bhi unhin KHar-o-KHas mein hai

bijli jahan pe KHas ba-rang-e-karam gai

han shaiba gurez ka bhi pesh-o-pas mein hai

wo be-ruKHi ki naz ka thi jo bharam gai

ab kaenat aur KHudaon ke bas mein hai

ab rahbari mein qudrat-e-dair-o-haram gai

jadu ghazal ka jazb-e-tamanna ke ras mein hai

yani wo dil ki baat dilon mein jo dam gai