os ki tamanna mein jaise bagh jalta hai
os kī tamannā meñ jaise baaġh jaltā hai
tū na ho to siine kā daaġh daaġh jaltā hai
chāñd chal diyā chup-chāp so ga.e sitāre bhī
raat kī siyāhī meñ dil kā daaġh jaltā hai
maut ik kahānī hai ziist jāvedānī hai
ik charāġh bujhtā hai ik charāġh jaltā hai
qatl-gāh se le kar qātiloñ ke dāman tak
ḳhūn-e-nāhaq-e-farhād kā surāġh jaltā hai
sāthiyoñ se duurī meñ ik jahāñ se duurī hai
mai meñ dam nahīñ saaqī aur ayāġh jaltā hai
os ki tamanna mein jaise bagh jalta hai
tu na ho to sine ka dagh dagh jalta hai
chand chal diya chup-chap so gae sitare bhi
raat ki siyahi mein dil ka dagh jalta hai
maut ek kahani hai zist jawedani hai
ek charagh bujhta hai ek charagh jalta hai
qatl-gah se le kar qatilon ke daman tak
KHun-e-nahaq-e-farhad ka suragh jalta hai
sathiyon se duri mein ek jahan se duri hai
mai mein dam nahin saqi aur ayagh jalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
