pa kam nahin tere paiman se bhare hue hum

pa kam nahīñ tire paimān se bhare hue ham

ki sub.h-o-shām dil-o-jān se bhare hue ham

tirī galī nahīñ aate to phir kahāñ jaate

shikastagī meñ bhī imkān se bhare hue ham

yahī shu'ūr vadī’at hai un nigāhoñ se

bahut hai kufr pa īmān se bhare hue ham

ravāñ hai tah meñ hamāre hamārī ḳhāmoshī

nazar jo aate haiñ tūfān se bhare hue ham

har ek pahr koī ḳhvāhish-e-ramīda hai

hazār tarh ke haijān se bhare hue ham

shi'ār rakhte haiñ har rang-o-ā.ine ke liye

suḳhan kī zail meñ ehsān se bhare hue ham

dikhā rahī hai ba-tadrīj hairateñ kyā kyā

kisī kī sūrat-e-anjān se bhare hue ham

pa kam nahin tere paiman se bhare hue hum

ki subh-o-sham dil-o-jaan se bhare hue hum

teri gali nahin aate to phir kahan jate

shikastagi mein bhi imkan se bhare hue hum

yahi shu'ur wadi’at hai un nigahon se

bahut hai kufr pa iman se bhare hue hum

rawan hai tah mein hamare hamari KHamoshi

nazar jo aate hain tufan se bhare hue hum

har ek pahr koi KHwahish-e-ramida hai

hazar tarh ke haijaan se bhare hue hum

shi'ar rakhte hain har rang-o-aine ke liye

suKHan ki zail mein ehsan se bhare hue hum

dikha rahi hai ba-tadrij hairaten kya kya

kisi ki surat-e-anjaan se bhare hue hum