pa-shikaston ko jab jab milenge aap

pā-shikastoñ ko jab jab mileñge aap

sar-e-rāh-e-talab mileñge aap

un se pūchā ki kab mileñge aap

bole jab jāñ-ba-lab mileñge aap

dil ye kah kar ḳhabar ko us kī chalā

mujh ko zinda na ab mileñge aap

arsa-e-hashr īd-gāh huā

sab se mil leñge jab mileñge aap

vasl meñ bhī jabīñ pe hogī shikan

toḌne ko ġhazab mileñge aap

be-ḳhudoñ ko talāsh se kyā kaam

har jagah be-talab mileñge aap

chhoḌ dī ruḳh pe zulf samjhe ham

chhup ke ek aadh shab mileñge aap

chheḌ mutrib tarāna-e-shab-e-vasl

sāz-e-aish-o-tarab mileñge aap

yaar jab mil gayā to ham se 'jalāl'

jo na milte the sab mileñge aap

pa-shikaston ko jab jab milenge aap

sar-e-rah-e-talab milenge aap

un se pucha ki kab milenge aap

bole jab jaan-ba-lab milenge aap

dil ye kah kar KHabar ko us ki chala

mujh ko zinda na ab milenge aap

arsa-e-hashr id-gah hua

sab se mil lenge jab milenge aap

wasl mein bhi jabin pe hogi shikan

toDne ko ghazab milenge aap

be-KHudon ko talash se kya kaam

har jagah be-talab milenge aap

chhoD di ruKH pe zulf samjhe hum

chhup ke ek aadh shab milenge aap

chheD mutrib tarana-e-shab-e-wasl

saz-e-aish-o-tarab milenge aap

yar jab mil gaya to hum se 'jalal'

jo na milte the sab milenge aap