pakizgi nahin hai ridaon mein in dinon

pākīzgī nahīñ hai ridāoñ meñ in dinoñ

ma.asūmiyat rahī na adāoñ meñ in dinoñ

raas aa ga.ī hasīnoñ ko shahroñ kī raushnī

mausam bahut udaas hai gaañv meñ in dinoñ

as.hāb-e-kahf kī tarah jo nek log haiñ

gosha-nashīn haiñ vo guphāoñ meñ in dinoñ

shaffāf rāstoñ se to lipTī huī hai dhuñd

chhāyā huā dhuāñ hai fazāoñ meñ in dinoñ

us kī chubhan se maut hī behtar hai ham-nashīñ

kāñTā chubhā hai jo mire paañv meñ in dinoñ

puna hai bamba.ī hai safar hai qayām hai

chakkar bañdhā hai ik mire paañv meñ in dinoñ

'āqib' bujhā bujhā sā tū lagtā hai gar to kyā

sūraj chhupā huā hai ghaTāoñ meñ in dinoñ

'āqib' tire ḳhulūs kā hai mo.ajiza ki log

karte haiñ yaad tujh ko duāoñ meñ in dinoñ

pakizgi nahin hai ridaon mein in dinon

masumiyat rahi na adaon mein in dinon

ras aa gai hasinon ko shahron ki raushni

mausam bahut udas hai ganw mein in dinon

ashab-e-kahf ki tarah jo nek log hain

gosha-nashin hain wo guphaon mein in dinon

shaffaf raston se to lipTi hui hai dhund

chhaya hua dhuan hai fazaon mein in dinon

us ki chubhan se maut hi behtar hai ham-nashin

kanTa chubha hai jo mere panw mein in dinon

puna hai bambai hai safar hai qayam hai

chakkar bandha hai ek mere panw mein in dinon

'aqib' bujha bujha sa tu lagta hai gar to kya

suraj chhupa hua hai ghaTaon mein in dinon

'aqib' tere KHulus ka hai moajiza ki log

karte hain yaad tujh ko duaon mein in dinon