pani nahin mazid mayassar se kya baid

paanī nahīñ mazīd mayassar se kyā ba.iid

jinping se kyā umiid narendr se kyā ba.iid

ham taḳht par biThā deñ samajh kar jise husain

andar se ho yazīd sikandar se kyā ba.iid

purse ko aa.e aur mirā dard bhaag jaa.e

phir zaḳhm de shadīd sitamgar se kyā ba.iid

ḳhvāhish ko vo dikhā de haqīqat kā aa.ina

ho har duā shunīd muqaddar se kyā ba.iid

vo dil dimāġh aur zamānoñ ke qufl kī

de de mujhe kalīd qalandar se kyā ba.iid

jab Dūbne kā vaqt ho jī uubne kā vaqt

us kī ho yaar iid samundar se kyā ba.iid

tujh meñ dikheñ hazār hazāroñ meñ tū dikhe

mashkūk jab ho diid to manzar se kyā ba.iid

'asvad' ajab nahīñ ki rivāyat rahe mudām

kah de ġhazal jadīd suḳhan-var se kyā ba.iid

pani nahin mazid mayassar se kya baid

jinping se kya umid narendr se kya baid

hum taKHt par biTha den samajh kar jise husain

andar se ho yazid sikandar se kya baid

purse ko aae aur mera dard bhag jae

phir zaKHm de shadid sitamgar se kya baid

KHwahish ko wo dikha de haqiqat ka aaina

ho har dua shunid muqaddar se kya baid

wo dil dimagh aur zamanon ke qufl ki

de de mujhe kalid qalandar se kya baid

jab Dubne ka waqt ho ji ubne ka waqt

us ki ho yar id samundar se kya baid

tujh mein dikhen hazar hazaron mein tu dikhe

mashkuk jab ho did to manzar se kya baid

'aswad' ajab nahin ki riwayat rahe mudam

kah de ghazal jadid suKHan-war se kya baid