pani shajar pe phul bana dekhta raha

Afzaal Naveed

pani shajar pe phul bana dekhta raha

Afzaal Naveed

MORE BYAfzaal Naveed

    paanī shajar pe phuul banā dekhtā rahā

    aur dasht meñ babūl banā dekhtā rahā

    ayyām ke ġhubār se niklā to der tak

    maiñ rāstoñ ko dhuul banā dekhtā rahā

    bāzuoñ meñ bhar ke gulāboñ ko so rahī

    maiñ bhī ḳhizāñ phuul banā dekhtā rahā

    koñpal se ek lab se farāmosh ho ke maiñ

    kis guftugū meñ tuul banā dekhtā rahā

    bāda-kashoñ ke ḳhuuñ se chhalaktā thā mai-kada

    ḳhamiyāza-e-malūl banā dekhtā rahā

    pichhle khañDar se agle khañDar tak thā intizār

    maiñ aatmā bhuul banā dekhtā rahā

    nām-o-numūd haft-jihat sauñp kar mujhe

    sūraj dhanak meñ dhuul banā dekhtā rahā

    thā sabza-e-kashīda daraḳhtoñ ke darmiyāñ

    nā-qābil-e-qubūl banā dekhtā rahā

    tajsīm-e-nau-ba-nau karishma thā aur

    maiñ apnā usuul banā dekhtā rahā

    lauh-o-qalam ḳhair-segālī ke vāste

    shīrāza-e-nuzūl banā dekhtā rahā

    bante miT gayā thā ḳhabar na ho sakī

    maiñ naqsh ko fuzūl banā dekhtā rahā

    chuTkī se baḌh ke thā na hajam phir bhī maiñ 'naved'

    āmeze meñ hulūl banā dekhtā rahā

    pani shajar pe phul bana dekhta raha

    aur dasht mein babul bana dekhta raha

    ayyam ke ghubar se nikla to der tak

    main raston ko dhul bana dekhta raha

    tu bazuon mein bhar ke gulabon ko so rahi

    main bhi KHizan ka phul bana dekhta raha

    konpal se ek lab se faramosh ho ke main

    kis guftugu mein tul bana dekhta raha

    baada-kashon ke KHun se chhalakta tha mai-kada

    KHamiyaza-e-malul bana dekhta raha

    pichhle khanDar se agle khanDar tak tha intizar

    main aatma ki bhul bana dekhta raha

    nam-o-numud haft-jihat saunp kar mujhe

    suraj dhanak mein dhul bana dekhta raha

    tha sabza-e-kashida daraKHton ke darmiyan

    na-qabil-e-qubul bana dekhta raha

    tajsim-e-nau-ba-nau ka karishma tha aur hi

    main apna sa usul bana dekhta raha

    lauh-o-qalam ki KHair-segali ke waste

    shiraaza-e-nuzul bana dekhta raha

    bante hi miT gaya tha KHabar hi na ho saki

    main naqsh ko fuzul bana dekhta raha

    chuTki se baDh ke tha na hajam phir bhi main 'nawed'

    aameze mein hulul bana dekhta raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY