panw gardish mein hain kitnon ke makan ke aage

paañv gardish meñ haiñ kitnoñ ke makāñ ke aage

pīchhe saaya ke yā barfāb-e-girāñ ke aage

dil to vo hai ki kare shoḳh diloñ kī tasḳhīr

ahd-e-pīrī meñ bhī har pīr-o-javāñ ke aage

ibn-e-ādam ke liye chāhiye ik ālam-e-nau

māh-o-mirrīḳh ke be-rūh jahāñ ke aage

kyā koī raah nahīñ ahl-e-taḳhayyul ke liye

ġhamza-o-ishva-o-andāz-e-butāñ ke aage

tarz-e-ib.hām-e-junūñ ho ki fusūñ-kārī ho

us kī manzil nahīñ andāz-e-bayāñ ke aage

jab zamīñ par mujhe banñā thā darinda kā raqīb

merī parvāz ho kyoñ kaun-o-makāñ ke aage

saaf goī ko sadāqat kī ziyāñ-koshī ko

kaun maane hai daroġh-e-digrāñ ke aage

ham ko masjid se huā ishq na maiḳhāne se

kaun sā jurm hai is jurm-e-girāñ ke aage

panw gardish mein hain kitnon ke makan ke aage

pichhe saya ke ya barfab-e-giran ke aage

dil to wo hai ki kare shoKH dilon ki tasKHir

ahd-e-piri mein bhi har pir-o-jawan ke aage

ibn-e-adam ke liye chahiye ek aalam-e-nau

mah-o-mirriKH ke be-ruh jahan ke aage

kya koi rah nahin ahl-e-taKHayyul ke liye

ghamza-o-ishwa-o-andaz-e-butan ke aage

tarz-e-ibham-e-junun ho ki fusun-kari ho

us ki manzil nahin andaz-e-bayan ke aage

jab zamin par mujhe banna tha darinda ka raqib

meri parwaz ho kyon kaun-o-makan ke aage

saf goi ko sadaqat ki ziyan-koshi ko

kaun mane hai darogh-e-digran ke aage

hum ko masjid se hua ishq na maiKHane se

kaun sa jurm hai is jurm-e-giran ke aage