panw jab mere aasman mein the

paañv jab mere āsmān meñ the

us ghaḌī aap hī dhyān meñ the

jis ghaḌī ham bahut the pur-ummīd

us ghaḌī aap ke jahān meñ the

usrat-e-zīst ham ġharīboñ par

dhuup chhūTī to ham thakān meñ the

sair dīvār-o-dar kī kī ham ne

aish thī raat ham makān meñ the

yaad rahte to chuur ho jaate

ḳhvāb kyā kyā mare gumān meñ the

yaad hai ham bhī kār-āmad the

tiir the aur tirī kamān meñ the

kis qadar ho chalī hai be-zārī

dil meñ bhī ham the ham to jaan meñ the

panw jab mere aasman mein the

us ghaDi aap hi dhyan mein the

jis ghaDi hum bahut the pur-ummid

us ghaDi aap ke jahan mein the

usrat-e-zist hum gharibon par

dhup chhuTi to hum thakan mein the

sair diwar-o-dar ki ki hum ne

aish thi raat hum makan mein the

yaad rahte to chur ho jate

KHwab kya kya mare guman mein the

yaad hai hum bhi kar-amad the

tir the aur teri kaman mein the

kis qadar ho chali hai be-zari

dil mein bhi hum the hum to jaan mein the