pas us but ke jo ghair aa ke koi baiTh gaya

Shad Lakhnavi

pas us but ke jo ghair aa ke koi baiTh gaya

Shad Lakhnavi

MORE BYShad Lakhnavi

    paas us but ke jo ġhair aa ke koī baiTh gayā

    dard uTThā mire jis meñ ki baiTh gayā

    ishq-e-mizhgāñ meñ hazāroñ ne gale kaTvā.e

    īd-e-qurbāñ meñ jo vo le ke chhurī baiTh gayā

    jab raqīb us ko batāne lage arkān-e-namāz

    thaam kar dil kabhī uTThā maiñ kabhī baiTh gayā

    ai jilā-sāz kabhī phir na safā.ī hogī

    zañg ā.īna-e-dil meñ jo zarā baiTh gayā

    dast-o-pā hote haiñ har vaar meñ lākhoñ ke do niim

    haath chaurañg pe mashq us ne jo baiTh gayā

    chashma-e-gor vo hai us se na niklā koī

    us kuñ.eñ meñ jo girā Dūbte baiTh gayā

    thaam kyūñkar nahīñ lete haiñ vo dil dekheñ to

    tīr-e-nāla jo nishāne pe koī baiTh gayā

    phuuT bahtā jo ye ai 'shād' to behtar hotā

    phir ye ubhregā phapholā jo abhī baiTh gayā

    pas us but ke jo ghair aa ke koi baiTh gaya

    dard uTTha ya mere jis mein ki ji baiTh gaya

    ishq-e-mizhgan mein hazaron ne gale kaTwae

    id-e-qurban mein jo wo le ke chhuri baiTh gaya

    jab raqib us ko batane lage arkan-e-namaz

    tham kar dil kabhi uTTha main kabhi baiTh gaya

    ai jila-saz kabhi phir na safai hogi

    zang aaina-e-dil mein jo zara baiTh gaya

    dast-o-pa hote hain har war mein lakhon ke do nim

    hath chaurang pe mashq us ne jo ki baiTh gaya

    chashma-e-gor wo hai us se na nikla koi

    us kunen mein jo gira Dubte hi baiTh gaya

    tham kyunkar nahin lete hain wo dil dekhen to

    tir-e-nala jo nishane pe koi baiTh gaya

    phuT bahta jo ye ai 'shad' to behtar hota

    phir ye ubhrega phaphola jo abhi baiTh gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY