paya jab se zaKHm kisi ko khone ka

paayā jab se zaḳhm kisī ko khone kā

sīkhā fan ham ne be-āñsū rone kā

baḌoñ ne us ko chhīn liyā hai bachchoñ se

ḳhabar nahīñ ab kyā ho haal khilaune kā

ham-safaroñ se tark-e-safar ko kahtā huuñ

Dar hai raah meñ aisī bāteñ hone kā

ro denā bhī majbūrī to hai lekin

lutf alag hai dil meñ aañsū bone kā

mīThe ḳhvāb bhī ham dekheñ gar mausam ho

lambī gahrī mīThī nīndeñ sone kā

mere liye kyā mere dam-e-āḳhir tak hai

khel ye saarā hone aur na hone kā

paya jab se zaKHm kisi ko khone ka

sikha fan hum ne be-ansu rone ka

baDon ne us ko chhin liya hai bachchon se

KHabar nahin ab kya ho haal khilaune ka

ham-safaron se tark-e-safar ko kahta hun

Dar hai rah mein aisi baaten hone ka

ro dena bhi majburi to hai lekin

lutf alag hai dil mein aansu bone ka

miThe KHwab bhi hum dekhen gar mausam ho

lambi gahri miThi ninden sone ka

mere liye kya mere dam-e-aKHir tak hai

khel ye sara hone aur na hone ka