paDta rahta hai aksar ye daura mujh par
paḌtā rahtā hai aksar ye daura mujh par
maiñ duniyā par thuuk rahā huuñ duniyā mujh par
do pal baiTh na paayā apnoñ kī mahfil meñ
har rishte ne itnā qarz nikālā mujh par
thoḌī der ko maiñ bhī achchhā lag saktā thā
pahnā lekin nahīñ jachā ye chehra mujh par
khel hai saarā pyār-bharī nazroñ kā terī
koī bhī kurtā lag saktā hai achchhā mujh par
maiñ ne us se kahīñ ziyāda lauTāyā hai
is duniyā ne jitnā ḳharch kiyā thā mujh par
us ke to khiḌkī darvāze band the saare
tez havā ne saarā zor nikālā mujh par
paDta rahta hai aksar ye daura mujh par
main duniya par thuk raha hun duniya mujh par
do pal baiTh na paya apnon ki mahfil mein
har rishte ne itna qarz nikala mujh par
thoDi der ko main bhi achchha lag sakta tha
pahna lekin nahin jacha ye chehra mujh par
khel hai sara pyar-bhari nazron ka teri
koi bhi kurta lag sakta hai achchha mujh par
main ne us se kahin ziyaada lauTaya hai
is duniya ne jitna KHarch kiya tha mujh par
us ke to khiDki darwaze band the sare
tez hawa ne sara zor nikala mujh par
- Book : Dukh Naye Kapde Badal Kar (Pg. 94)
- Author : Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
