pae-nazr-e-karam tohfa hai sharm-e-na-rasai ka

pa.e-nazr-e-karam tohfa hai sharm-e-nā-rasā.ī kā

ba-ḳhūñ-ġhaltīda-e-sad-rañg da.avā pārsā.ī kā

na ho husn-e-tamāshā-dost rusvā bevafā.ī kā

ba-mohr-e-sad-nazar sābit hai da.avā pārsā.ī kā

zakāt-e-husn de ai jalva-e-bīnish ki mehr-āsā

charāġh-e-ḳhāna-e-darvesh ho kaasa gadā.ī kā

na maarā jaan kar be-jurm ġhāfil terī gardan par

rahā mānind-e-ḳhūn-e-be-gunah haq āshnā.ī kā

tamannā-e-zabāñ mahv-e-sipās-e-be-zabānī hai

miTā jis se taqāzā shikva-e-be-dast-o-pā.ī kā

vahī ik baat hai jo yaañ nafas vaañ nik.hat-e-gul hai

chaman kā jalva baa.is hai mirī rañgīñ-navā.ī kā

dahān-e-har-but-e-paiġhāra-jū zanjīr-e-rusvā.ī

adam tak bevafā charchā hai terī bevafā.ī kā

na de naale ko itnā tuul 'ġhālib' muḳhtasar likh de

ki hasrat-sanj huuñ arz-e-sitam-hā-e-judā.ī kā

jahāñ miT jaa.e sa.ī-e-dīd ḳhizrābād-e-āsā.ish

ba-jeb-e-har-nigah pinhāñ hai hāsil rahnumā.ī kā

ba-ijz-ābād vahm-e-mudda.ā taslī-e-shoḳhī hai

taġhāful ko na kar masrūf-e-tamkīñ-āzmā.ī kā

'asad' kā qissa tūlānī hai lekin muḳhtasar ye hai

ki hasrat-kash rahā arz-e-sitam-hā-e-judā.ī kā

havas gustāḳhī-e-ā.īna taklīf-e-nazar-bāzī

ba-jeb-e-ārzū pinhāñ hai hāsil dilrubā.ī kā

nazar-bāzī tilism-e-vahshat-ābād-e-paristāñ hai

rahā begāna-e-tāsīr afsūñ āshnā.ī kā

na paayā dardmand-e-dūrī-e-yārān-e-yak-dil ne

savād-e-ḳhatt-e-peshānī se nusḳha momyā.ī kā

'asad' ye ijz-o-be-sāmānī-e-fir.aun-e-tauam hai

jise tū bandagī kahtā hai da.avā hai ḳhudā.ī kā

pae-nazr-e-karam tohfa hai sharm-e-na-rasai ka

ba-KHun-ghaltida-e-sad-rang dawa parsai ka

na ho husn-e-tamasha-dost ruswa bewafai ka

ba-mohr-e-sad-nazar sabit hai dawa parsai ka

zakat-e-husn de ai jalwa-e-binish ki mehr-asa

charagh-e-KHana-e-darwesh ho kasa gadai ka

na mara jaan kar be-jurm ghafil teri gardan par

raha manind-e-KHun-e-be-gunah haq aashnai ka

tamanna-e-zaban mahw-e-sipas-e-be-zabani hai

miTa jis se taqaza shikwa-e-be-dast-o-pai ka

wahi ek baat hai jo yan nafas wan nikhat-e-gul hai

chaman ka jalwa bais hai meri rangin-nawai ka

dahan-e-har-but-e-paighaara-ju zanjir-e-ruswai

adam tak bewafa charcha hai teri bewafai ka

na de nale ko itna tul 'ghaalib' muKHtasar likh de

ki hasrat-sanj hun arz-e-sitam-ha-e-judai ka

jahan miT jae sai-e-did KHizrabaad-e-asaish

ba-jeb-e-har-nigah pinhan hai hasil rahnumai ka

ba-ijz-abaad wahm-e-muddaa tasli-e-shoKHi hai

taghaful ko na kar masruf-e-tamkin-azmai ka

'asad' ka qissa tulani hai lekin muKHtasar ye hai

ki hasrat-kash raha arz-e-sitam-ha-e-judai ka

hawas gustaKHi-e-aina taklif-e-nazar-bazi

ba-jeb-e-arzu pinhan hai hasil dilrubai ka

nazar-bazi tilism-e-wahshat-abaad-e-paristan hai

raha begana-e-tasir afsun aashnai ka

na paya dardmand-e-duri-e-yaran-e-yak-dil ne

sawad-e-KHatt-e-peshani se nusKHa momyai ka

'asad' ye ijz-o-be-samani-e-firaun-e-tauam hai

jise tu bandagi kahta hai dawa hai KHudai ka