pahle bhi kaun sath tha

pahle bhī kaun saath thā

ab jo koī nahīñ rahā

vaqt sitam-zarīf thā

vaqt kā phir bhī kyā gila

kaisī ajiib shaam thī

kaisā ajiib vāqi.a

kahne ko kah rahe haiñ log

maiñ ne tujhe bhulā diyā

qissa ye hai ki maiñ tujhe

dil se kahāñ bhulā sakā

tark-e-ta.alluqāt kā

baaqī hai ek marhala

baaqī hai ab bhī zehn meñ

ḳhvāboñ kā ek silsila

ishq se nisbatoñ meñ hai

mere safar kā rāsta

shaam huī to chal paḌā

hijr-zadoñ kā qāfila

koh-kanī se rabt hai

nām-o-nasab kā zikr kyā

pahle bhi kaun sath tha

ab jo koi nahin raha

waqt sitam-zarif tha

waqt ka phir bhi kya gila

kaisi ajib sham thi

kaisa ajib waqia

kahne ko kah rahe hain log

main ne tujhe bhula diya

qissa ye hai ki main tujhe

dil se kahan bhula saka

tark-e-talluqat ka

baqi hai ek marhala

baqi hai ab bhi zehn mein

KHwabon ka ek silsila

ishq se nisbaton mein hai

mere safar ka rasta

sham hui to chal paDa

hijr-zadon ka qafila

koh-kani se rabt hai

nam-o-nasab ka zikr kya