pahle ehsas mein utar use

pahle ehsās meñ utaar use

phir ḳhayālāt se guzār use

koī achchhī sī job mil jaatī

ham bhī karvāte intizār use

apnī nārāzgī se Dartā huuñ

kar to saktā huuñ be-qarār use

ḳhud ko qaidī samajh rahā thā vo

maiñ ne hone diyā farār use

sab purānā delete kar deñge

phir se likkheñge ek baar use

lauTā detī hai vaqt se pahle

koī detā nahīñ udhār use

aaj tak uñgliyāñ mahaktī haiñ

chhūnā chāhā thā ek baar use

pahle ehsas mein utar use

phir KHayalat se guzar use

koi achchhi si job mil jati

hum bhi karwate intizar use

apni naraazgi se Darta hun

kar to sakta hun be-qarar use

KHud ko qaidi samajh raha tha wo

main ne hone diya farar use

sab purana delete kar denge

phir se likkhenge ek bar use

lauTa deti hai waqt se pahle

koi deta nahin udhaar use

aaj tak ungliyan mahakti hain

chhuna chaha tha ek bar use