pahle hi bar-e-dosh hain sar bhi gae to kya

pahle hī bār-e-dosh haiñ sar bhī ga.e to kyā

jānāñ ham apnī jaañ se guzar bhī ga.e to kyā

jiinā matā.a-e-ḳhvesh na marnā atā-e-ġhair

jiite rahe to kyā hai jo mar bhī ga.e to kyā

dil ḳhuuñ hai ek tark-e-mohabbat ke daaġh se

rusvā.iyoñ ke daaġh utar bhī ga.e to kyā

miTTī meñ e.atibār-e-numū DhūñDhtā huuñ maiñ

bādal havā ke saath bikhar bhī ga.e to kyā

shabnam se apnī pyaas bujhātī haiñ khetiyāñ

dariyā samundaroñ meñ utar bhī ga.e to kyā

tuġhyāniyoñ kī zad meñ Thikāne sabhī ke haiñ

kashtī Dubo ke paar utar bhī ga.e to kyā

ghar meñ thā ehtiyāj kā daftar khulā huā

daftar kī ḳhaak chhān ke ghar bhī ga.e to kyā

pahle hi bar-e-dosh hain sar bhi gae to kya

jaanan hum apni jaan se guzar bhi gae to kya

jina mataa-e-KHwesh na marna ata-e-ghair

jite rahe to kya hai jo mar bhi gae to kya

dil KHun hai ek tark-e-mohabbat ke dagh se

ruswaiyon ke dagh utar bhi gae to kya

miTTi mein eatibar-e-numu DhunDhta hun main

baadal hawa ke sath bikhar bhi gae to kya

shabnam se apni pyas bujhati hain khetiyan

dariya samundaron mein utar bhi gae to kya

tughyaniyon ki zad mein Thikane sabhi ke hain

kashti Dubo ke par utar bhi gae to kya

ghar mein tha ehtiyaj ka daftar khula hua

daftar ki KHak chhan ke ghar bhi gae to kya